| |
…me a n’a so mo chi ch’al sa pu
l’è fadiga savê d’indóv ch’u s’vegna
e’ mêl indóv ch’e’ nesa e’ cresa
fena a ciapê pröpi te brisa un étar
savê parchè un s-ciân un dè
u s’amêla int la tësta e u n’è piò ló…
d’acord e’ mêl de’ mond l’è un etar cvel
e’ mêl d’stêr a e’ mond no me a n’degh
e’ mêl d’un s-ciân zà in partenza cundanê
a e’ dulor piò grând da cvând ch’e’nes
cl’ingiustezia mai finida ch’l’è murì
tirê i zampet tra i fil d’un let ’t e’bsdel
o sbrislês d’böta tra al lamir d’una strê
me a m’cmend ste mêl ch’ u t ciapa d’dentar
ch’u n’s’ved brisa e incion u s’n’adà
la malincuneia de’ zarvèl par l’istê finida
d’una vita cun e’ mêl dentar a e’ stên ben…
…e’ pê che t’epa gnicosa cun i dè ch’s’arves
int e’ sól ros sora l’autostrê ch’starloca
chi va zò la sera ’t e’ ros dal machin lostri
sora i chemp d’grân sfraghê da e’ vent
a disignê cun un pastel ’t e’ fond dagli or
e’ sbalinê celest dal tër di mont indóv
ch’un dè a v’s’i incuntrê a v’s’i scambiê
al lengv in boca par ciapê sól una strê
sól una vos a rispirêr insen e’ spud
di fiul lutê par tirêi so parché i n’seia
fiul de’ mond savend stêr a e’ mond
chi vega nenca ló par la su strê
e avânti incóra insen fena a cla matèna
i fiur ’ d’acvivta i n’è piò ló
j à pers l’udor
i n’t’dà piò la vos a j avì smes d’scorar
e che sól ros ch’u s’elza l’è sempr insclì
un candlot d’giaz d’istê a furêt e’ côr
a piantês int e’ zarvël a fêt un bus
un fös u n’i cor piò gnît l’è vut
u s’j infila e’ mêl de’ gnît
e’ gnît ch’u t’mâgna
t’a n’sent piò gnît
t’si gvent un gnît
un vut d’ gnît
gnît vut
vut
gnît…
//
(“a n’i capês piò gnît cum’èla stêda
cum òja fat a sghinlêr in dentar a e’ mêl
a fêm magnê da e’ vut de’ gnît
che t’avleva ben ad ogni ora di mi dè
che a n’ò mai vlù mêl a incion
a dareb l’ânma a e’ geval par capì
la n’gn’è miga una rason
parchè e’ Signor u m’epa da punì
dentar a sta bocia vuta senza fond
dla mi storia di mi dè tra la nebia
in dó’ ch’u s’è smarì l’amor de’ pân
di cvél di s-cen de’ nöstar stêr insen…
me a n’i vegh a n’i vegh ’t e’bsdel
a voi gvarì a cve cun vó a cve a ca mi”)
//
un’ora
un’étr’ora
un dè dè par dè
t’è pighê la schina
t’è svarsê j oc a caminê
acsè invurnìda dal midgen
t’si caduda e’ incion ch’u t’tira so
l’ânma caduda ch’la n’dorma piò la nöt
una stresla negra sémpr apiêda
ch’la t’ingavâgna cun la paura
d’töt i cvél d’töti al faz dal tu fantesmi
che t’a n’se d’in dó’ ch’al svegna
t’a t’agrap parchè a n’a t’al purta veia
a e’ tu let a cvel t’é fat a chi t’é avsen
a cvi che incóra i t’vo ben
mo i s’sen stof
nenca ló i è sól di s-cen d’pël e ös
coma te pël e ös nench se t’megn töt e’ dè
e nench la nöt senza cavêt mai la fâm
la fâm dla paura che la t’mâgna j oc
fura da la tësta a zarchê da töt al pert
un pöst ’dó’ farmês senza truvêl
e i s’bota par tëra a strisê sóra i giarul
sbatend i pì insimunì zarchend ’na strê
pr andêr avânti un étar po’ parò gnît
l’à piò l’amor d’una vólta t’a n’i crid
in cvél ch’l’areb da vnì par te int i tu dè
di dè cun che sól ros sóra a e’ sren
u n’i n’è piò sól una guiê d’nuval giori…
ah s’u i fos on che fos bon d’cuntê da bon
e’ mument ch’u s’fines l’amor pr i cvél
l’amor pr i s-cen de’ su stêr insen
anghê int e’ vut d’che mêl ch’u i mâgna
senza ch’i s’n’adega dè par dè un bisinen
acsè stil da infilês in cla su frida ingiarida
ch’la n’sangona brisa mo gnît u la fa srê
intânt che on senza avêr un pöst u s’pösta
sémpr un pö piò in là nench s’e’ vreb
turnêr indrì agrapês a chi giarul chi rozla
par la su strê senza putêi farmê
piò in là piò luntân incion ch’u i stega drì
u n’gn’è incion a capì chi segn chj et
a dêi ment ch’u i vega drì par no’ sghinlê
nenca ló int e’ vut d’che fiasch sfundê…
//
fermat! dai donca fermat un pö torna indrì!
ven cu nó un’étra vólta ch’a t’aspiten
o fòrsi no a s’sen stof nenca nó coma te
d’ste mêl lazarôn ch’u s’farà partì nenca nó
par salvêr inmânch un dè par putê durmì
una nöt prema de’ bur dla nöt intira
e u s’fa mêl la schina a fôrza d’stêr a cve
a fê d’segn a on ch’u n’ven
e al saven se chj étar i ngn’è
nó a n’sen incion e s’a i sen par töt
nó a s’finen coma s’a n’fòsum mai sté a cve
chi ch’è bon d’r ësar in cvel ch’a n’sen
in cvel ch’j è chj étar?
se nenca nó a s’avien cun i tu giarul
coma te a finen int un buron e invezi
avlen tirêt so dêt sta corda e a tiren
mo te t’tir piò fort e la nöstra forza
ormai la s’è finida cunsumêda da sta stôria
e la corda che zà la t’tira par la vita
la s’ingavâgna int i tu pinsir smarì
int e’ lâns insprì de tu rispir ch’u n’è bon
d’turnêr indrì d’turnêr a ca int e’ su pöst
a l’ôra cun cvi che forsi i l’à aspitê
che invezi u s’lasa andê int l’invel
dla tu tësta indó’ ch’e’ pê
ch’e’ piuva sémpar senza che sól
e a forza d’dêi t’è tirat ’t la corda
t’a t’si bagnêda t’si arivêda a invel…
//…una farfala cvând ch’e’ piov
indóv a vala... cum a fala
a stê so par eria
cun st’acva pesa ch’la ven zo
ch’e’ pê ch’u n’epa mai piuvù
dop e’ sech ch’l’à spachê al murai
averti dal carvai int la tësta di s-cen
e indóv a s’pusaràla mai
la farfala par no’ fês s-ciazê…
e te t’a n’avivta brisa bsogn
l’era un pez che da una carvaia
dla tu tësta l’aveva spichê e’ vol
la nöstra voia d’stêr insen
e adës t’sbat la tëst in cva e in là
senza savê mai in dó’ pusêla
pr un mument par tirê e’ rispir
int ’na bulè d’luz tra e’ bur
di tu dè smarì ch’i è töt una nöt
senza matèna
e pu zirêr intorna a che calór iluminê
abrazêl truvê un pö d’pez indurmintês
e par sémpar brusês agl' èli…
|
|
…io non lo so, ma chi lo sa poi /
è fatica sapere da dove provenga /
il male, dove nasca e cresca /
fino a prendere proprio te, non un altro /
sapere perché una persona, un giorno /
si ammala dentro la testa e non è più la stessa…/
d’accordo il male del mondo è un’altra cosa /
il male di stare al mondo, no io non dico /
il male di un uomo già in partenza condannato /
al dolore più grande da quando nasce /
quella ingiustizia mai finita che è morire /
morire in un letto di ospedale /
o sbriciolarsi di colpo tra le lamiere di una strada /
io mi chiedo questo male che ti prende dentro /
che non si vede e nessuno se ne accorge /
la malinconia del cervello, per l’estate finita /
di una vita col male, dentro allo stare bene…/
…pare che tu abbia tutto con i giorni che si aprono /
nel sole rosso, sopra l’autostrada che riluccica /
che scendono alla sera sul rosso delle macchine/
sui campi di grano accarezzati dal vento /
a disegnare con un pastello nel fondo delle ore /
il lampeggiare celeste delle distese dei monti dove /
un giorno vi siete incontrati vi siete scambiati /
le lingue in bocca per prendere un’unica strada /
un’unica voce, a respirare insieme la saliva /
dei figli, lottare per allevarli perché non siano /
figli del mondo, sapendo stare al mondo /
che vadano anche essi per la loro strada /
e avanti ancora insieme fino a quella mattina/
i fiori che innaffiavi non sono più gli stessi/
hanno perso il profumo /
non ti chiamano più, avete smesso di parlare /
e quel sole rosso che si alza, è sempre freddo /
un candelotto di ghiaccio in estate a forarti il cuore /
a piantarsi nel cervello, a farti un buco /
un fosso, non ci corre più nulla, è vuoto /
vi si infila il male del nulla /
il nulla che ti mangia /
non senti più nulla /
sei diventato un nulla /
un vuoto di nulla /
nulla, vuoto /
vuoto /
nulla…/
//
“non ci capisco più nulla com’è successo /
come ho fatto a scivolare dentro al male /
a farmi mangiare dal vuoto del nulla /
che ti volevo bene ad ogni ora dei miei giorni /
che non ho mai voluto male a nessuno /
darei l’anima al diavolo per capire /
non c’è mica una ragione /
perché il Signore mi debba punire /
dentro a questa bottiglia vuota senza fondo /
della mia storia, dei miei giorni tra la nebbia /
dove si è perso il sapore del pane /
delle cose, del nostro stare insieme…
io non ci vado, non ci vado in clinica /
voglio guarire qui, con voi, qui a casa mia” //
//
un’ora /
un’altra ora /
un giorno, giorno per giorno /
hai piegato la schiena /
rovesciato gli occhi a camminare /
così intontita dalle medicine /
sei caduta e nessuno che ti risollevi /
l’anima caduta che non dorme più la notte /
una striscia nera sempre accesa /
che t'intrappola con la paura /
di tutte le cose, di tutte le facce dei tuoi fantasmi /
che non sai da dove vengano /
ti aggrappi perché non ti portino via /
al tuo letto, a ciò che hai fatto, a chi ti è vicino /
a coloro che ancora ti vogliono bene
ma si sono stancati /
anche loro sono solo essere umani, di pelle e ossa /
come te pelle e ossa anche se mangi tutto il giorno /
e anche la notte senza sfamarti mai /
la fame della paura che ti mangia gli occhi
fuori dalle orbite a cercare dappertutto /
un posto dove fermarsi, senza trovarlo /
e si buttano a terra a strisciare sui ciottoli /
sbattendo i piedi storditi, cercando una strada /
per andare avanti un altro po’, però nulla /
ha più il sapore d'una volta, non ci credi /
in ciò che dovrebbe arrivare per te nei tuoi giorni /
dei giorni con quel sole rosso sopra il sereno /
non ce ne sono più, soltanto un filo di nuvole grigie
ah se ci fosse davvero uno capace di raccontare /
l’attimo in cui si esaurisce l’amore per le cose /
l’amore per le persone, del loro stare insieme /
annegato nel vuoto di quel male che li divora /
senza che se ne accorgano, giorno per giorno un poco
così sottile da infilarsi in quella loro ferita rinsecchita
che non sanguina, ma niente la chiude /
mentre uno, senza avere un posto, si sposta /
sempre un po’ più in là, anche se vorrebbe /
tornare indietro, afferrare quei ciottoli che rotolano /
per la loro strada senza poterli fermare /
più in là, più lontano, nessuno che stia al loro passo /
non c’è nessuno a capire quei segni, quei gesti /
a credergli, a inseguirli per non scivolare/
anche loro nel vuoto di quel fiasco sfondato… /
//
fermati! Dai dunque fermati un po’ torna indietro!
Vieni con noi un’altra volta che ti aspettiamo /
o forse no, ci siamo stancati anche noi come te /
di questo male cattivo che ci farà partire anche noi /
per salvare almeno un giorno, per poter dormire /
una notte prima del buio della notte intera /
e ci fa male la schiena a forza di stare qui /
a far cenno a uno che non viene /
e lo sappiamo, se gli altri non ci sono /
noi non siamo nessuno, e se ci siamo per tutti /
noi ci consumiamo come se non fossimo mai stati qui /
chi è capace di essere in ciò che non siamo /
in ciò che sono gli altri?
Se anche noi partiamo con i tuoi ciottoli /
come te finiremo in un burrone e invece /
vogliamo tirarti su, darti questa corda e tiriamo /
ma tu tiri più forte e la nostra forza /
ormai si è esaurita, consumata, da questa storia /
e la corda che già ti tira per la vita /
si attorciglia nei tuoi pensieri smarriti /
nell’ansito disperato del tuo respiro che non è capace
di tornare indietro, di tornare a casa, al suo posto /
all’ombra, con coloro che forse l’hanno atteso /
che invece si lascia andare nel nessun- posto /
della tua testa, dove sembra /
che piova sempre, senza quel sole /
e a forza di darci hai tirato la corda /
ti sei bagnata e sei arrivata in nessun-posto
// una farfalla quando piove /
dove va... come fa /
a star su per aria /
con questa acqua pesante che vien giù /
come se non fosse mai piovuto /
dopo la siccità che ha spaccato i muri /
aperto delle crepe nella testa delle persone /
e dove si poserà mai /
la farfalla per non farsi schiacciare… //
e tu non ne avevi bisogno /
era da tempo che da una crepa /
della tua testa aveva spiccato il volo /
la nostra voglia di stare insieme /
e adesso sbatti la testa qua e là /
senza sapere mai dove posarla /
per un momento, per tirare il respiro /
in una chiazza di luce, nel buio /
dei tuoi giorni smarriti che sono tutti una notte
senza mattino /
e poi girare intorno a quel calore illuminato / abbracciarlo, trovare un po’ di pace, addormentarsi /
e per sempre bruciarsi le ali…/
|
|
Puoi lasciare dei commenti